Greinasafn fyrir merki: qr kóðar

Deila verkefnum inn í hópherbergi í netkennslu

Birt þann af
Svara

Í netkennslu nýta kennarar hópherbergi (e. breakout rooms) fyrir hópaumræður. Þá vaknar spurningin hvernig eigi að deila verkefnum eða fyrirmælum til nemenda þannig að verkefnin fylgi þeim inn í hópherbergin.

Í kennslunni í vetur hef ég að mestu nýtt Google slides og Zoom. Ég hef notað tvær leiðir til að deila fyrirmælum með nemendum sem þau segja að nýtist vel.

Dæmi um glæru með hópaverkefni frá því í kennslustund í gær.

1. Ég geri glærusýningu sem inniheldur bara glæruna með fyrirmælunum og deili slóðinni svo í spjallinu á Zoom þá geta nemendur opnað slóðina og séð glæruna með verkefninu og fyrirmælum þess. Ég hef slóðina í minnispunktum fyrirlesara svo ég sé fljót að sækja hana og deila til nemenda. Það er líka hægt að hlaða glærunni með fyrirmælunum niður sem ljósmynd og deila þeirri skrá með nemendum. Mér finnst það aðeins seinlegri leið.

2. Ég set líka Qr kóða á slóðina inn á glæruna sem nemendur sjá á meðan ég gef fyrirmælin. Þá geta þau sem vilja komist inn á glæruna með fyrirmælunum með því að skanna Qr kóðann með myndavél símans og haft fyrirmælin á símaskjánum sínum á meðan þau eru í hópastarfinu. Ég nota QRQode Monkey til að búa til kóðana.

Hvað hefur gagnast þér? Hérna er umræða úr Facabook hópnum Upplýsingatækni í skólastarfi þar sem nokkrir kennarar segja svara þessari spurningu.

Elska enn QR kóða og líka Google

Birt þann af
2

Á menntabúðum #Eymenntar í Brekkuskóla um daginn var Stella deildarstjóri í Brekkuskóla með menntabúð þar sem hún sýndi hvernig hún býr til hljóðskrár með textum úr könnunum og lesskilningi þannig að nemendur geti unnið sjálfstætt að þessum verkefnum. Hún sagðist vista skrárnar á Sound Cloud og dreifði hlekknum að skránum til nemenda með Qr-kóðum. Ég komst því miður ekki á menntabúðina hennar því ég var sjálf með eina á sama tíma svo ég veit ekki almennilega hvernig hún gerir þetta. En hugmyndin var komin á sinn stað í kollinum og ég vissi að hún kæmi einhvern tímann að góðum notum. Þannig eru nefnilega menntabúðir!

Um þessar mundir svara nemendur könnunum frá Rannsókn og greiningu. Nemendur 5. og 6. bekkjar svara 50 spurninga lista á 18 blaðsíðum. Nokkrir í okkar skóla ráða ekki fyllilega við að lesa svo mikinn texta á þeim tíma sem gefinn er til verksins. Þá mundi ég eftir hugmyndinni hennar Stellu. Þar sem ég hafði ekki hlustað á hana varð ég að finna mér leið til að koma þessari góðu hugmynd í framkvæmd.

Halda áfram að lesa →

Elska qr kóða (og símann minn)!

Birt þann af
Svara

Ég hafði keypt bæklinga í Danmörku í haust með alls konar hugmyndum til að perla. Í skólanum erum við að undirbúa jólamarkað og það vantaði hugmyndir að jólaperli fyrir nemendur. Í þessum bæklingum voru margar góðar hugmyndir og þá þurfti að koma þeim úr bókinni og á pappír svo nemendur gætu valið sér myndir til að fara eftir. Hefðbundna leiðin:

  • Er að skanna þær í ljósritunarvélinni
  • Prenta út í litaprentaranum
  • Plasta í plöstunarvélinni
  • Skera niður í skurðarhnífnum
  • Dreifa til nemenda
  • Passa uppá að týna ekki myndunum

Nýja leiðin sem mér hugkvæmdist í morgun var að nota símann minn:

  • Nota Office Lens appið í símanum til að taka myndir af blaðsíðunum í bæklingnum
  • Búa til albúm á Google Photos með myndunum af blaðsíðunum
  • Gera qr kóða með slóðinni inn á albúmið
  • Dreifa qr kóðunum til nemenda

Kostir nýju leiðarinnar umfram þá hefðbundnu:

  • Sparar mér tíma
  • Sparar pappír
  • Sparar blek í prentaranum
  • Sparar plastið í plöstunarvélinni
  • Minni hætta á að „allt týnist og dreifist um allan skóla“
  • Nemendur nota Ipada skólans til að komast inn á myndirnar og geta stækkað þær eftir þörfum á meðan þeir perla

Kóðinn góði!

Já, hvernig er hægt að elska ekki qr kóða? Eða símann sinn?

Ps. svo varð þessi til eftir að hafa safnað saman hugmyndum á Pinterrest og gert kóða líka á þá slóð. Og hver elskar ekki Pinterrest?

qrcode-37660925

Safn af jólaperli á Pinterrest