Aoife Cahill skólastýra í Sharewood Park

Í fjórða þætti hlaðvarps Bara byrja ræði ég við Aoife Cahill skólastýru St. Luke Catholic School. Hún er félagi minn í verkefninu Skólastjóraskipti sem er samstarfsverkefni Skólastjórafélags Íslands og Kennarasambandsins í Alberta í Kanada. Áður en við hittumst á flugvellinum í Edmonton fyrir 10 dögum höfðum við verið í sambandi á Twitter, Instagram og í gegnum tölvupóst. Þar skiptumst við á frásögnum af áherslum og áhuga í leik og starfi.

Aoife Cahill skólastýra St. Luke Catholic School

Prófið að sleppa bókinni!

mio

Skimunarefnið sem þær stöllur hafa nýlega þýtt og komið í útgáfu

Í þriðja þætti Bara byrja hlaðvarps er rætt við þrjár reynslumiklar konur úr menntakerfinu. Dóróþeu Reimarsdóttur, Jóhönnu Skaftadóttur og Þóru Rósu Geirsdóttur. Samtals nálgast reynsla þessara kvenna af vettvangi 90 ár. Og þær eru hvergi nærri hættar að fylgjast með nýjungum í rannsóknum og kennslu ásamt því að vilja deila þekkingu sinni og reynslu með þeim sem enn starfa í skólunum. Verkefnið sem á hug þeirra um þessar mundir er Mio skimunarefni í stærðfræði fyrir leikskóla. Það efni hafa þær þýtt og komið til útgáfu.

Í þættinum segja þær frá Mio, því sem þeim finnst skipta máli í stærðfræðikennslu og kennslu almennt og hvað það er sem hvetur þær til að þróa sig í starfi. 

Í þættinum benda þær á skrif og bækur Joe Boaler og mæla sérstaklega með bók hennar The Elephant in the Classroom: Helping Children to Learn og Love Maths

Í Skólaþráðum er líka hægt að kynna sér Míó skimunarefnið. 

Þeir sem vilja fylgjast með þeim stöllum eða hafa samband við þær geta gert það á Facebook síðu Mio skimunarefnis eða sent þeim tölvupóst á netfangið mio.skimun@gmail.com 

Fjölbreytni og fjöldi tækja skipta máli

Annar þáttur Bara byrja hlaðvarps er viðtal við Hans Rúnar Snorrason kennara í upplýsingatækni við Hrafnagilsskóla. Í viðtalinu ræddum við um breytingarnar sem hafa orðið í tækni og tækjakosti skólanna frá því að Hans Rúnar hóf kennslu. Við ræddum einnig um hvað það er sem heldur Hans Rúnari við efnið í starfsþróun. Hans Rúnar fylgist vel með þróuninni, bæði í tækninni og hvernig hún nýtist í kennslunni svo það er vel þess virði að gefa sér tíma til að hlusta á hann segja frá starfi sínu og ígrundaðrar afstöðu til notkunar á tækninni í skólanum.

Hans Rúnar miðlar starfsþróun sinni á blogginu sínu http://hansrunar.krummi.is/ og líka á Twitter @hansrunar

Góða skemmtun.