Greinasafn fyrir merki: samspil2015

Raunir vegna rauntímafrétta

Birt þann af
Svara

Í Þelamerkurskóla hefur í vetur verið reynt að koma fleiri fréttum af skólastarfinu til foreldra og annarra velunnara en áður hefur tíðkast. Í því skyni hefur verið skilgreint hvaða hlutverki hver fréttamiðill sem skólinn hefur komið sér upp gegnir.

Upplysingar og samskipti3

Upplýsinga- og fréttamiðlar Þelamerkurskóla

Litið er svo á að heimasíða skólans sé brunnurinn þar sem flestar upplýsingar um skólastarfið er að finna ásamt ítarlegum fréttum. Þar er einnig myndasafn skólans. Síðan hefur stefnan verið að nýta samfélagsmiðlana, rafrænt fréttabréf og tölvupósta til að leiða fólk inn á heimasíðuna.

Upplysingar og samskipti4

Hvar á að miðla upplýsingunum?

Samfélagsmiðlana, Twitter og Facebook höfum við einnig notað til að segja rauntímafréttir af starfinu í skólanum. Það eru stuttar fréttir og myndir sem eru send út á miðlana jafnóðum og atburðirnir eiga sér stað. Það gefur foreldrum og öðrum velunnurum meiri möguleika en áður til að fylgjast með því sem um er að vera í skólanum. Fyrsta tilraun skólans í þessu og gott dæmi um það var þegar nemendur fóru í Skólabúðirnar að Reykjum í hitteðfyrra. Þá gat kennarinn sem fylgdi nemendum sent út á Twitter-síðu skólans örfréttir af dvölinni undir umræðuþræðinum (e. hashtag #) #reykir2013. Sjaldan hafa skólanum borist fleiri þakkir fyrir fréttaflutning af starfinu. Þetta er handhæg leið fyrir skólann að gefa foreldrum upplýsingar um atburði og augnablik úr starfinu. Foreldrar þurfa ekki sjálfir að vera á Twitter, aðeins að komast á twitter.com og geta sett umræðuþráðinn í leitargluggann.

Halda áfram að lesa →

Verkfæri í kennslustofnuna – Class Tools

Birt þann af
Svara

classtoolsÍ dag gerðist Þelamerkurskóli áskrifandi að ClassTools (50 pund fyrir 6 mánuði) og ég bjó til tvær þrautir í Ferningnum til að sjá hvernig þetta virkaði. Annar ferningurinn er um fugla og hinn um íslenska bókahöfunda.  Báðir virkuðu vel og var auðvelt að fylgja leiðbeiningunum á skjánum. Mér sýnist þetta geta gengið bæði á venjulegar tölvur og spjaldtölvur. Útilitið er eins og öll síðan, allt í lagi en ekki mjög mikið fyrir augað. Ég er samt ekki viss um að í hita leiksins taki krakkarnir eftir því.

Ég prófaði svo að setja fuglana í Ruslatunnu-þrautina og sá fyrir mér að það væri einfaldari útgáfa fyrir yngstu nemendurna. Svo þegar ég deildi þessu út til kennaranna og ætlaði að prófa hvort hlekkurinn virkaði gerðist ekkert, enda hafði ég skipt af tölvunni og yfir á spjaldtölvuna. Eftir að hafa flett svolítið í vefsíðunni sá ég FAQs og komst að því að ruslatunnuþrautin er ekki spjaldtölvutæk. Ef ætlunin er að nota þrautina á spjaldtölvu er sennilega best að byrja á því að skoða listann yfir þrautirnar sem hafa verið gerðar spjaldtölvuvænar og kanna svo hver þeira hentar verkefninu og þrautinni. Þær sem eru hérna fyrir neðan hafa verið gerðar spjaldtölvuvænar:

Halda áfram að lesa →

Af Samspili

Birt þann af
Svara

 Í gær áttu Norðlendingar þess kost að sitja staðbundið námskeið (Útspil) innan UT-átaks Menntamiðju sem kallast Samspil 2015. Námskeiðið var haldið í Brekkuskóla og mátti telja um það bil 30 þátttakendur í salnum.

Frá Þelamerkurskóla mættu fjórir þátttakendur á námskeiðið, tveir kennarar og báðir stjórnendur skólans. Áður en við lögðum í ´ann inn á Akureyri hraus okkur aðstoðarskólastjóranum hugur við því að sitja á námskeiði um upplýsingatækni í fimm klukkustundir. Við lögðum strax á ráðin um að reyna að komast af námskeiðinu um klukkan sex; sögðumst bæði hafa öðrum hnöppum að hneppa svona seinni part dagsins.

Það er skemmst frá því að segja að þeir hnappar voru ekki hnepptir í gær á milli klukkan sex og sjö, því tíminn á námskeiðinu flaug áfram. Námskeiðið reyndist lifandi, áhugavert, skemmtilegt og um fram allt hvetjandi. Skipulag námskeiðsins gerði ráð fyrir virkni, umræðum þátttakenda og fyrirlestrum frá skipuleggjendum.

Ég kynntist:

Halda áfram að lesa →