Ósoðið marmelaði

Ósoðið marmelaði

Árni Heiðar sér um lið 3 í uppskriftinni.

Árni Heiðar er í heimsókn á Mörkinni (Þeló eins og búið er að kenna honum) þessa vikuna. Í morgun hjálpaði hann mér að gera marmelaði. Hann var ekki gamall þegar hann sýndi eldhússtörfum mikinn áhuga og fékk að sitja uppi á borði og fylgjast með starfseminni á eldhúsbekknum og einnig að aðstoða við að hræra, sleikja, smakka, opna, loka, kveikja og slökkva. Hann dáir að fá að horfa á hrærivélina og hakkavélina að störfum svo ekki sé minnst á að halda í handþeytarann. Það hefur komið fyrir að hann fylgist með mér elda matinn í myndsímtali (Facetime). Fyrir hann er það eins og að horfa á uppáhaldsbarnaefnið. Svo ef ég veit að von er á honum á Mörkina doka ég með marmelaðigerðina svo hann geti verið mér innan handar.

Mamma gaf mér þessa uppskrift þegar á átti heima á Ísafirði (fyrir 1988). Í mínum huga hefur hún „alltaf“ gert þetta marmelaði. Þessi uppskrift er líka mátulega stór og fljótleg til að ég gefi mér tíma til að búa marmelaðið. Stundum finnst mér ekki taka því að gera hana svona litla og tvöfalda hana, enda get ég þá gefið vinum mínum mér mér.

2, appelsínur, flysjaðar (hægt að leggja börkinn af annarri í bleyti yfir nótt og hakka með í marelaðið)

1 sítróna, flysjuð

1/2 poki þurrkaðar apríkósur

500 g sykur

1. Leggið apríkósurnar í bleyti yfir daginn eða nótt (2-3 tímar duga líka).

2. Hakkið appelsínurnar (og börkinn af annarri hafi það verið valið), apríkósurnar og sítrónuna.

3. Hrærið sykrinum saman við. Ég hef undanfarið sett í hana hrásykur og set þá helmingi minna magn af sykri.

4. Látið standa í kæli yfir nótt á meðan sykurinn leysist upp.

5. Sett á sótthreinsaðar krukkur.

Þetta marmelaði þarf að geyma í kæliskáp vegna þess að það er ekki soðið (ætli það teljist hráfæði?). Þess vegna er best að gera ekki mikið af því í einu og þá er líka oftast ferskt marmelaði á boðstólnum.

Um Ingileif

Starfa sem skólastjóri Þelamerkurskóla í Hörgársveit og hef ánægju af því að skrá samantektir og hugleiðingar um skólastarf, matarstúss og ferðalög.
Þessi færsla var birt í Fjölskyldan, Matarstúss og merkt sem , , . Bókamerkja beinan tengil.

3var við Ósoðið marmelaði

  1. Engin fjölskylduleyndarmál lengur .. já þetta marmelaði kallast hráfæði, síðast þegar ég gerði það þá hafði ég lífrænt ræktaðan hrásykur .. sannkallað , ofurfæði..

  2. Bakvísun: Ekki bara kökur og konfekt! | Bara byrja

  3. Bakvísun: Nýja bananabrauðið | Bara byrja

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s