Dagana 17. og 18. september stendur Skólastjórafélag Íslands fyrir námskeiði fyrir nýja og reynda skólastjórnendur. Þetta er í annað sinn sem félagið býður uppá námskeið af þessu tagi. Framhald af þessum tveimur dögum er svo áformað í mars á næsta ári.
Markmið námskeiðsins er að styðja við og efla nýja skólastjórnendur í upphafi starfs. Markhópurinn er nýir skólastjórnendur og einnig aðrir skólastjórnendur sem telja sig þurfa endurmenntun í efnisþáttum námskeiðsins eru einnig velkomnir.
Fyrsta dag námskeiðsins voru kynningar á KÍ, SÍ og Sambandi ísl. sveitarfélaga ásamt því hvað þarf að hafa í huga þegar maður er nýr í starf. Einnig hélt Anna Kristín Sigurðardóttir fyrirlestur um kennslufræðilega forystu.
Hérna fyrir neðan eru tvö tíst frá fyrirlestri Önnu Kristínar:
Kennslufræðileg forysta bankar ekki á dyrnar hjá skólastjórnendum. Það þarf frumkvæði til að iðka hana og efla. Anna Kristín Sigurðard.
— Ingileif Ástvalds (@ingileif) September 17, 2015
Hvað skiptir máli þegar þú ert nýr í starfi sem skólastjórnandi #nýrístarfi pic.twitter.com/xZjrcikbT6
— Ingileif Ástvalds (@ingileif) September 17, 2015
Annan dag námskeiðsins fjallar Anna Rós Sigmundsdóttir lögfræðingur um lög og reglugerðir sem varða skólastarfið. Síðan fer Ingibjörg Úlfarsdóttir, sérfræðingur í kjara- og réttindamálum KÍ yfir starfsmanna- og kjarmál. Einnig verður farið yfir helstu atriði vinnumatsins. Áður en þátttakendur halda heim verða umræður í hópum um efni og innihald seinni hluta námskeiðsins.
Þó að ég teljist ekki nýr skólastjóri þá finnst mér áhugavert og mjög lærdómsríkt að hlusta á fyrirlestrana og umræður kollega.
Hérna fyrir neðan eru glærurnar sem ég fór yfir þegar fjallað var um það sem vert er að hafa í huga þegar maður er nýr í starfi. Öllum glærum og öðrum gögnum námskeiðsins verður safnað saman í þessa möppu á Google Drive.